നിവേദനം
ആത്മാവില് അശാന്തിയും
ശരീരത്തില് അത്യുഷ്ണവും
കണ്ണീരില് ഉപ്പും നല്കിയ
പരമകാരുണികനായ പിതാവേ...
സമചിത്തതയുടെ സമതലങ്ങളില്
ശീല്ക്കാരത്തോടെ തലയുയര്ത്തുന്ന
ശിരോതാപത്തിന്റെ സര്പ്പശിലകളെ
നീയെന്തിനെന്നില് നാട്ടി ?
മറവിയുടെ പ്രശാന്തിക്കുമേല്
ഓര്മകളുടെ ഊരാക്കുടുക്കിട്ട്
അണയാത്തീയുടെ ആഗ്നേയം
നീയെന്തിനെന്നിലേക്കെയ്തു?
അളവുകളില്ലാത്ത സൌമനസ്യം
നിരുപാധികമായ നിരാസമാക്കി
എന്റെ അതീതസ്വപ്നങ്ങള്ക്കുമേല്
നീയെന്തിനാവരണംതീര്ത്തു?
നിറവേറലുകളില്ലാത്ത നിവേദനങ്ങള്
നിന്റെ നിറയാത്ത കണക്കുപുസ്തകത്തില്
എഴുതിച്ചേര്ക്കുവാന് കനിവുകാട്ടണേ
പരമകാരുണികനായ പിതാവേ...
ആത്മാവില് അശാന്തിയും
ശരീരത്തില് അത്യുഷ്ണവും
കണ്ണീരില് ഉപ്പും നല്കിയ
പരമകാരുണികനായ പിതാവേ...
സമചിത്തതയുടെ സമതലങ്ങളില്
ശീല്ക്കാരത്തോടെ തലയുയര്ത്തുന്ന
ശിരോതാപത്തിന്റെ സര്പ്പശിലകളെ
നീയെന്തിനെന്നില് നാട്ടി ?
മറവിയുടെ പ്രശാന്തിക്കുമേല്
ഓര്മകളുടെ ഊരാക്കുടുക്കിട്ട്
അണയാത്തീയുടെ ആഗ്നേയം
നീയെന്തിനെന്നിലേക്കെയ്തു?
അളവുകളില്ലാത്ത സൌമനസ്യം
നിരുപാധികമായ നിരാസമാക്കി
എന്റെ അതീതസ്വപ്നങ്ങള്ക്കുമേല്
നീയെന്തിനാവരണംതീര്ത്തു?
നിറവേറലുകളില്ലാത്ത നിവേദനങ്ങള്
നിന്റെ നിറയാത്ത കണക്കുപുസ്തകത്തില്
എഴുതിച്ചേര്ക്കുവാന് കനിവുകാട്ടണേ
പരമകാരുണികനായ പിതാവേ...
No comments:
Post a Comment
Say something to me